|
شعر واحد حب وحده بالمكياج وانصدم
قصيدة كتبها واحد متعقد من المكياج تقول : يا صانع المكياج الله يجازيك خليتني مخدوع في شكل خلي الله يحرق مصنعك مع مبانيك والمعرض الموجود في بيكاديلي ادعي عسى تعمى وتنشل رجليك هذا دعائي دوم لا جيت أصلي خليتني اركض ورا البنت هاذيك واشوفها أجمل غرام ٍ حصل لي قلبي عشقها يا(جيفنشي) توماتيك وان شافها قلبي يرحب يهلي هي رحبت بي وقالت الله يحييك وقالت هلا باللي عشق زين شكلي وقالت أنا أجمل بنت في اللي حواليك شف حسني الأخاذ وروجي العسلّي طالعتها ثم قلت هالقلب يبغيك ومن شاف حسنك خلى غيرك يولي ابغي اشوفك دون مكياج يكسيك وابغي اشوفك بالجمال المحلي قالت تبيني افرك الوجه تفريك واشيل هالبودر وروجي وكحلي قلت أي نعم قومي عسى الروح تفديك ابغي جمالك هالطبيعي يهلّي قالت دقايق راجعه لك واراويك ذاك الجمال اللي لعينك يسلّي ويوم رجعت لي شربكتني الشرابيك وحسيت الأرض تدور وأنا بمحلي الخد كنه يا(جيفنشي) سيراميك والوجه شارع مثل شارع حولي الوجه كنه بيت كله شبابيك من هالحفر في وجهها اللي يعلّي كله سبب مكياجك الله يجازيك خليتني مخدوع في شكل خلي ونصيحتي لكل شاب من غير تشكيك لا لا اتسرع ثم تنغش مثلي اللي بلا مكياج خلها حواليك واللي تحط مكياج ...خلها تولي !! |
كلمات شخص عانى بقوة..
لكن نصيحه له المره الجاية يخلي جنبه مزيل مكياج .. يعطيك العافيه ابوعبدالعزيز |
ماهوب صاحي ... قال ايش :
اللي بلا مكياج خلها حواليك واللي تحط مكياج ...خلها تولي !! أبو عبدالعزيز شكل برد الديره مأثر عليك ... تغطى كويس ! |
الشاعر يقول كذا شكله توهق في واحده الله يعينه ويصبره..
تحياتي ولاتنسى موعد العيد |
هههههه بصراحهـ روعه بس واللهـ انهـ معقد يعطيكـ العافيهـ ابو عبد العزيز
|
اقتباس:
ليش يابو الطيب ماهو صاحي قال الصدق روح وطالع في الاسواق وانت تعرف فا ئدة المكياج عند الحريم قال ايش قال ماهو صاحي الله يسامحك |
اللهم إني صائم ... الغالي الصحيفة ... صعب آخذ بنصيحتك ... ولكن من تستخدم المكياج ترهق نفسها أكثر من اللازم وتتحايل على الواقع وإلى متى تبقى على ذا الحال ؟!
|
لأحول ولأقوة الا بالله /// من غشنا فليس منا // أن كيدهن لعظيم // انتبهو ياشباب وقول اريد اشوفها
كما خلقا ربها (( من اجل ذلك الرؤيه الشرعيه )) ونحمد الله على كل حال . مشكور ابو عبدالعزيز , مع التحيه للجميع . |
مشكور اخوي قصيده فيها معاني كثيره
|
| الساعة الآن 03:50 AM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
الحقوق محفوظة لمنتدى قرية المصنعة 1426هـ