مجالس منتدى قرية المصنعة الرسمى - ياصاحبي بأوصيك مني وصيه

أهل المثل يقلون شـر البليـه
ما يضحكك والقلب فيه الوقايـد
يا صاحبي بوصيك مني وصيه
الصبر طعمه مـر لكـنَّ فايـد
أيامنـا هـي والليالـي مطيـه
والعمر مهما طال يغدي بدايـد
والموت راعي والأوادم رعيـه
أعمارهم تغدي بكفـه حصايـد
وأهل القلوب الطيبـات النديـه
لهم سجايـا نايفـات وفرايـد
وأهل الحسد واهل القلوب الرديه
ما نالهم ممـا جنـوه الفوايـد
والطيب تبقى سيرة أهله قديـه
تنْشر سيرهم وافيـه بالجرايـد
ما أكبر خطية من يرد الهديـه
ويصد من صافح يمينه معايـد
عمر المرارة مـا تعـود حليـه
وعمر الدني ما صار للقرم رايد
ويبقى الأمل نهج النفوس الأبيه
اللي تحـول نقصهـا بالزوايـد
ما كل من قابلت نفسه سويـه
ولاكل من يتقـدم القـوم قايـد
اللاش طبعه ما يزبـن خويـه
واليوم صار اللاش سيد وسايد
الحر ويا العبد صـاروا سويـه
زمن معه بنات فكـري شرايـد