مجالس منتدى قرية المصنعة الرسمى

[align=justify:dc6cbb55ed]القلب يحزن والمدامع غزيرة ........ في جوفي نار من لهبها تباكيت
والدار ظلمه كانت امي تنيره ........ يايمه وينك من دونك خلا البيت
قلبي تفطرعلى الفرقى المريره ........ امنت بالله وباقداره تراضيت
الموت حقن وكلن له مصيره ......... موت النبي قبلك يايمه تعزيت
هذا جلالك وريحك في عبيره ........ كل يوم اشمه واذا شفته تهنيت
صوتك يايمه يا مااحلا اثيره ...... وحنانك يمه يخليني تدفيت
يايمه منهو اجي له واستشيره ...... يعدلني لاشفت الصواب وتنحيت
يوم كنتى عندي وكاني امير ديره ...... كل ينادنيي يقول لي تغليت
يوم رحت يمه وكاني في جزيرة ...... وحيد فيها عن الناس تواريت
اجي دويخ في وقت الظهيره ........ ماحد سال عنى يقول لي تغديت
وابيت ليلي وعيوني سهيره .......... كم من ليالي نايم ماتعشيت
ظروف يامه تواجهنى عسيره ........ الشكوى لله بظروفي تعنيت
ياكم تعلمت من معان غزيره ......... يامنهل التعليم منك تربيت
كم من قصه قلتي للماضين سيره ......... لاجيت عند سواليفك تسليت
اااه يايمه لنظراتي الاخيره ......... مليت كفي تراب ثم حثيت
ابشري يايمه بدعوات كثيره ....... كلما ذكرتك وللرحمن صليت

لقلب يحزن والمدامع غزيره *********في جوفي نار من لهبها تباكيت

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,

رائعه الشاعر سعد الطلحة[/align:dc6cbb55ed]