مجالس منتدى قرية المصنعة الرسمى

لو خسرتك ما خسرت العمر
والدنيا متاع .!
وأدري أني لو خسرتك ما
خسرت إلا قليل .!
بس فكر زين تعرف من خسر
فينا وضاع .!
وتعرف إنك لو تلف الإرض
وتدور بديل .!
والله إن تبطي ولو لفيت في
كل البقاع .!
ولو تسوي وش تسوي ما
أنت لاقي لي مثيل .!
وين تلقى مثل شخصي شخص
وطباعي طباع .!
ووين تلقى مثل قلبي قلب
أو مثلي خليل .!
يا رفيقي إنتبه واحسن إلي
الإستماع .!
للمواقف دور في كشف المزيف
والأصيل .!
وأنت ما قصرت فيني موقفك
جدآ شجاع .!
طعنتك في الظهر فعلا كانت
إثبات ودليل .!
بيض الله وجهك اللي ساتره
تحت القناع .!
ورايتك بيضاء معاي ويا عسى
عمرك طويل .!
يعني أعطيك الثقه وتردها ب {لوي}
الذراع .!
ياخي ما شاء الله عليك أبدعت
في رد الجميل .!
مدري كيف أشكرك مدري كيف
أرد الصاع صاع .!
كنت أحسب أنك عزيز النفس
تطلع لي ذليل .!
كم وأنا عييت أصدق فيك قدر
المستطاع .!
من غبائي كنت أسكت وأعذرك
وأثر الحصيل .!
جرح قلب . . ميزته في كل يوم
الإتساع .!
ودمع عين ينهمر من ضيقتي
في كل ليل .!
والله إني كنت أحبك حب وأتبعك
اتباع .!
كنت لجل أرضي غرورك بس
أسوي المستحيل .!
كنت أعمى فيك . لا . لا . كنت
ميت للنخاع .!
كنت مدري كيف لكن كنت صادق
معك حيل .!
كنت أمارس في غرامي لك سياسة
الأنصياع .!
وكنت لاغي معك فكرة أعتزل
أو أستقيل .!
أندفعت بكل ما فيني وسوء
الإندفاع .!
يجبر الإنسان أحيانا يفكر
بالرحيل .!
صدمتي فيك إنت خلتني أفكر
بإقتناع .!
إن قتل النفس راحه لو أنا كنت
القتيل .!
إنفجر راسي من التفكير وازداد
الصداع .!
كيف أنا بفتتك من جرحك ودوشة
قال قيل .!
رحمتك يا رب لا ضاقت أمنحني
وساع .!
أنت حسبي في الزمان الجاير
ونعم الوكيل .!
لا غدى مستقبلي والماضي أطراف
النزاع .!
وصفحة الماضي سواد وشي من
هذا القبيل .!
فلازم أنسى لجل أنهي بداخلي
هذا الصراع .!
ولازم أتقوى عشان أحقق النصر
الجليل .!
والبخيل اللي نساني واشترى
فيني وباع .!
يذلف الله لا يرده والله بجرحي
كفيل .!
وإن سأل عني وجاكم بعد فترة
وإنقطاع .!
علمووووه إني نسيته بس أنا ماني
بخيل .!
طالما كان السبب في صحوتي
بعد الوداع .!
بلغوه أقل شي بخالص الشكر
الجزيييييييل .