العيـد عـاد وعـادة العيـد لا عـاد
يجمع قلوب أهل الوفا يا اجمل الخـود
الناس يـوم العيـد فـي ود واسعـاد
وانا حزيـن وفكـري اليـوم مشـدود
مالي جـدا غيـر التّعـب والتوجـاد
اسهر واهـلْ الدمـع والعالـم رقـود
ياللي رحلت بعيد مـن غيـر ميعـاد
الله يعيـن القلـب يـا ناعـم العـود
اسقيتنـي مـرّك وانـا ظامـي وداد
تركتنـي بيـن التناهـيـد ملـهـود
صبرت صبر أيوب والصبـر مافـاد
طال انتظاري بالأمـل وأنـت مفقـود
ما يذبح العاشق سوى جـرح الأبعـاد
وانته حبيبـي تذبـح القلـب بصـدود
جرح العنا من واهج الشـوق يـزداد
ليتك تجـرّب قسـوة البعـد بحـدود
متـى تقـر العيـن وتـزول الأنكـاد
وافرح أنا بلقيـاك يـا نفحـة النـود
ارجـوك لا تِفـرح عـذول ٍ وحسّـاد
وتخون يا عمـري مواثيـق وعهـود
راح العمر وش عاد وش عاد وش عاد
مشتاق لعيونك عسـى أيامـك تعـود
روحي تبيك وخاطـري فيـك منقـاد
يا روح روحي نـوّر أيامـي السـود
تعال فـي شوفـك مسـرّات وأعيـاد
تعال دام الشوق فـي القلـب موجـود