من قال تسمع بالمعيدي ويكفيك = السمع لكن لا عيونك تشوفه
كنا نعزّك يالمعيدي ونغليك= كنا نقل فيه الوفا والمروفه
لكن تبدل ظننا من بلاويك= يوم أنكشف باعك وسودا كفوفه
لا تحسب إنا يوم تبعد بنبكيك= من باعنا بعنا بليّا حسوفه
إذا تهرج قلت من (.....) الديك= وإذا عزم ليته يكبرّ خروفه
زيّن معازيمه بذولا وذوليك= ظن الكرم جا له ينقّع دفوفه
بيت الكرم معروف يا شيخ وش فيك= بابه على البحري مشرِّع دروفه
البيت ذا مبني على العز يخطيك= خلك بعيد ولا تقلّع طنوفه
لولا الحيا لأقول باسمك وأسميك= يالشيخ ذا دايم ينقّر ضيوفه
لكن أخاف إنك تظنه مَدحْ فيك= وجهك بعيد من الحيا والكسوفه