عندما تستمتع مع الابداع الشعري :

مع صمت المشـاعر والعنا يا غربة الاعماق
تصارعني عواطف حب ما تروي ظما اعماقي

احبك وان رفضتك مارفضـك الخافق المشتاق
احبك وان نســيتك ما نساك الفكر واشواقي

تعبت وماتعب ركض القلم يلهث على الاوراق
تعبت ارحل واسافر لك وانا جالس على اوراقي

غريبه رحلتي واياك الم قــرب وعذاب فراق
مرض هم وشقى حيـرة تقيـد خطوة فراقي

لك الله ياجمود العاطفـه جمـر الجفا حراق
لك الله مانويت اجفاك لو تنوي على احراقي

خفوقي ياعناي اصبح لتعذيب الهـوى ذواق
بتعذيبك احــس الروح ترفض باقي اذواقي

عن اذنك برتدي ليلك ابا اخنق لحظة الاشراق
عن اذنك بمتطي صهوة ظلامك لحظة اشراقي

عطيتك بالرضا قلب من طعون الهوى ما فاق
وهبتـه لك لتعذيبـه نسـيت انه في اعماقي