مرحبااااااااا باللي دخل موضوعي



فيه وحده معزومه على زواج ويوم الزواج قامت الحرمه

وتنظفت وسرحت شعرها احلى تسريحه

وسوت مكياج حلو ومرتب ولبست احلى فساتينها

وتعطرت وتبخرت وبعد ماخلصت اتصلت في زوجها

وقالت له اني خلصت

قالها زوجها دقايق واكون عندك شوي

واصلا زوجها قدامها

الرجال ما يشوفها مرتبه الا في المناسبات

المهم طلبها زوجها تترك الزواج وتقعد معاه

قال لها اقعدي وياي ونستانس ونسهر ونجيب عشاء من المطعم الزوجه وافقت

قال لها زوجها ابي اروح اجيب العشاء عشان مااطلع

راح الرجال مستعجل وجاب العشاء ودخل بيته

شنو شااااااااااااااااااف قدامه
v
v
v
v
v
v
v
v

الحرمه فاصخه فستانها ولابسه قميص قطن وغاسله المكياج وفاكه التسريحه وحاطه

في شعرها زيت ورابطته

الرجال عصب وسألها ليش غيرتي ملابسك

وليش سويتي في نفسك كذا

قالت الفستان ضايقني وغسلت المكياج

ماله داعي وزيت شعري عقب الرغوه والاستشوار

تصدق توي احس في الراحه يوم لبست هالقميص

قام الرجال يصاارخ عليها وقالها الزينه بس للناس

وانا زوجك ماتهتمين فيني

وقال لها والله ماتذوقين العشاء والحين تروحين قدامي للزواج

وتدخلين عليهم كذا وانتي في شكلك هذا والا ماراح تقعدين في البيت

حاولت فيه الحرمه ماقدرت لانه حلف

وفي النهايه مالها حيله قامت ولبست عبايه ودخلت في الزواج

كنها شحاذه وتركها الين اخر الليل وكل اللي في العرس شافوها

هي اقعدت في عبايتها مافصختها ....... (سوى احراج لزوجته ...)



إيش رااايـــــــــــــكم بهذا اللي سواه فيــــــــها المسكينــــــه




ودمتم بود