بسم الله الرحمن الرحيم
الله يصبحكم بكل خير في هذا اليوم الفضيل إنت يابو عبد الله والشاعر ومن يقرأ
الحقيقة يالشاعر ونحن صغار كانت التينه(التطعيم) عبارة عن تشريط في عضد اليد اليسرى غالباً , وكان إذا حصل لنا هذا التطعيم نُمنع من الشراعة في الأبيار بحجة أن (التينه تستقي) أي أن الجرح سيلتهب ...أرجو أن أكون أسعفت ذاكرتك.
ذا شوره في قطلـــته يقلون متسرّع
وذا ما معه قَبَعَتُه يقـــلون متـــــــقرّع
وذا خاف في رقدته يــــقــلون متخرّع
واللي هوا ديرته يهـــوى الـــذي فيها
اللي سرى فالغداري قالوا الساطي
وأما الذكي ذا يقل مـا فالسما لاطي
واللي كذب كذبتـه يــــقلون خراطي
والبينه بعـــد هـــــذا هـــي بتـــبديها
اللي يديس الدياس بعـد الدياس ذرّى
واللي ينذّر على حــــــــد قالوا يتهرّى
واللي يعاود على شيء قالوا يتضرّى
هذي هروج(ن) مــــــن الديره ندلويها
ليت الزمن ذا مضى يرجع وأهلّي به
والوادي اللي إنهجر يلقى التعنّي به
لكن جحود البــشر ويـــــذا نسوي به
ليت الذي نقّض جــــروحي يــداويها