ما دامني مسلم فأنا رافـع الـراس
ما همني من بعدها ويش ما أكـون
هندي، سعودي، مغربي، كلهم ناس
وأفضلهم اللي يتقي خالـق الكـون
يا باغي العزة ترى الدين نومـاس
أقبل على دينك ترى غيره يهـون
وأقبل على الله يجعلك خير الأجناس
ويعزك بيوم لـه النـاس يخشـون
وافخر بربعك مير لا تحقر النـاس
ما دام فرض الله عليهـم يصلـون
فرعون كانت له مهابة وله وبـاس
من كان يجهل قوة وباس فرعـون
واليوم جيفة عبرة لمن له احسـاس
وعبرة لكل اللي لجسمـه يشوفـون
وأبو جهل عم (النبي وأفضل الناس)
في قعر نار الله مخـزي وملعـون
الدين والتقوى لنـا خيـر مقيـاس
مقياس حق لمن بشرعـه يقيسـون