معي آخ شرى له بندقة ماتصيب الا الصديق

يالله ياذا خلق سيدى محمد وبوبكر الصديق-
اكفنا شر من يخطي علينا ومن شر المصيبة

فان من يطرد الغارات ماهوبلاحق غيرها-
المدافيع والرشاش والسيوف من سعة

والشيم ما تدوم الا في الروس ماهي في المثاني-
واي نحن لولي الأمر تحت الولاية مسلمين

والقضا يعلمونا بالتواريخ مدري وش دراهم -
وفي الحج الأكبر كل يفدي حجته

يوم ياجي خبر من عند راعي شهادة ماكماها-
اتفقنا على علم يجي من قضاة العلم كان

مير ياكل جاهل لا تغرك علوم منك ثيرة -
الجمارك على باب البحر والدروب مسفلتة

وشوارع منى يوم الضحية لنا فيها مناخي -
لا عرفنا نسوك الحج ناس رضي وأبو نواس

والشياطين حكم الله على قتلها وبغيرها




الرد




معي أخ شرى له بندقة ماتصيب الا الصديق-
والعدو لوكان يرميه بالجنبخانة ماتصيبه

قلت له لا ترمي الصدقان بعها وخذ لك غيرها -
لا تبقى عقوبة بيننا والاخلايق في سعة

قال هذا سلاحي وانت خذ لك بيطار ثاني-
قلت بيني وبينك ذمة الله وشرع المسلمين

ونصينا كبير الشان واثره يسبّح للدراهم-
قال بكره تعالوني وكل يظهر حجته

واحتصى له بغلّة جوف جيبه وفي جيبي كماها-
ووردنا على الماصة وكل رمش له من مكان

وقعد ياتفكر فين ذا مدته منا كثيرة -
وبغى يركب الباطل على الحق وابليس ألفته

يحسب انه بيلحق خير من جانبي والا من آخي -
مادرى انه كما الحجاج وانا عقبت أبو نواس

الحقيقة تضاحكنا بعقله وراح بغيرها

يعطيك العافية ايها الأخ الوادي الأخضر
القصيدة جميلة وكلماتها رائعة بدع ورد احسنت وبارك الله فيك.