الذيـــــــــــــــــــــــــــــــــــــــــــــب

بسم الله الرحمن الرحيم
السلام عليكم ورحمة الله وبركاته

حياك الله يا (ذيب), وحياك الله يابو عبدالله, وكل عام والجميع بخير وصحة وعافية.

(ذيب(ن) عوا وانـا على صوته اجيب)
الذيب يعوي مــــــــن مواقف عجايب
(يــــــاذيب انا باوصيك لا تاكل الذيب)
دوّر على صيـــــــــدك وخل الطلايب
خوفي تحاول تـــــاكل الذيب وتخيب
الحق له طلاب مـــــــــــا هو بسايب
يا ذيب ما نحسب حساب السناجيب
عشرين عــــام وحاضرك شبه غايب
ياذيب مـــــــــا تعرف دراسه وتدريب
وقتك غريب ولا عرفت المصـــــــايب
يـا ذيب بعض الناس همه ملا الجيب
وفي وسط ثوبه ثلج مـــــا هو بذايب
يـــــاذيب تسري بين ذيك المساريب
عـــاده ولا انته من مســاريك تـــايب
ياذيب كم نسمع صيــــــــاح وأكاذيب
يــــــا ذيب مدح الوجه مثل السبايب
أنا معك يــــــاذيب في عيشة الذيب
وحــــــــــدي ولا حسبت كثر النوايب
ارمي على بعد المســـافات واصيب
وابني جـــــــــــدار البيت واحط نايب