بنات اليوم والله المستعان

هذي بنـات اليـوم برقـع وجـوال
ولاعبايـة كتـف هـم يلبسـوهـا
والراس فوق الراس طرحه مع الشال
حتـى الخصـال الطيبـة افقدوهـا
يوم البنات اللي غدٍ سبـت اهمـال
ويـوم السبايـب اهلهـا هملـوهـا
الأم نامـت والاب صـار تمـثـال
والبنت راحت ويـن مـا يسألوهـا
بالليل تسهر بيـن هاتـف وجـوال
والا عـلـى الـشـات سهـروهـا
اللبس تلبس كل مـا يطـرب البـال
وفلوس لو تنقص عليهـا عطوهـا
من شافها باللبس يا ساتـر الحـال
يسبهـا ويسـب مــن خلفـوهـا
كومة لحم وعيون والرمـش قتـال
ولما مشت كـل الشبـاب اتبعوهـا
هم ما دروا لـو البراقـع بتنشـال
ونشوف وش تحت البراقع خفوهـا
وين البنات اللي بهم تضرب امثـال
ليت العلـوم الطيبـة مـا تركوهـا
البنت زين البنت لا زانـت الحـال
ما هـو بلبـس ولا علـوم خذوهـا
وين المراجل ما بقى غيره ارجـال
يليت الشـوارب واللحـى حلقوهـا
اللي على عاره رضي الـذل ينقـال
ليـت الكرامـة ليتهـم يرفعـوهـا
ما عاد ينفع قـول فيهـا ولا قـال
لا الأم والله ولا الأبــو انفعـوهـا
اصبح ضياع البنت بسبـاب جـوال
البنت ضاعـت والأهـل ضيعوهـا