جيل اليوم

السلام عليكم

انا زعلان من جيل اليوم

اسمعوبارك الله فيكم

اسمع بين الحزّه والحزّه من بعض اولادنا في ذا الزمن يقولون ايام زمان

ماهي بهيله وكلها شقا وتعب ومشاكل وكنّهم يقولون

الله لايرد الغلا ولا كيّاله

واقول لهم ذيك هي ايامنا وزماننا ولو عشتم فيها يمكن ماتقدرون

تعيشون زي ماعشنا انحن ذيك الايام طلّعت رجاجيل تحطهم على يمناك

من غير نقص في جيل اليوم ولكن كانو نشاما قول وفعل

صح ماكنا متعلمين ولكن الحياه علمتنا كل شي ونعرف اللي لنا واللي علينا

والله يافي زماننا ماكنا نسمع بواحد يدوخ ويطيح إذا ذبح خروف وشاف الدم

ولا كنا نسمع بالشباب اللي يسوون كما النسوان في اشكالهم ( اصبحت ظهيره يالرفاقه)

ولا كنا نسمع ان واحد من الاولاد يخرج عند الباب اذا جاهم ضيف ويقول : آبي يقول

لك ماهوب في البيت

ولا كنا نسمع ان الولد راقد في النهار وطول الليل صاحي في غير مصلحه

ولاكنا نسمع ان فلا ن عاطل وما يبغى الشغل لاوربي إلا الرجال يغدي

رجال ويكافح ويكون ملا العين وزياده

ياحباني
ماودي ازيد واعيد في الهروج وصُفّة اليوم فيها خير ومتعلمين احسن منا

ولكن ياولادي ماشي كما شي ولا الشمس كما العشي

زمان كان الولد يتحمّل كل شي من صُغره واما اليوم يتخرجون اولادنا

من الجامعه اذا فلحو زيد وقد انتصفت اعمارهم والأب يكد ويشقى عليهم

وبعضهم من يقل الله يكثر خيرك يابه وبعضهم مايزيد إلا يتكبر وينسى الجمايل

وذا جا عنده زميل يستحي يخرج ابوه عنده ويستحي يقل ذيّه آبي عشان انه

شيبه وما يقل إلا الشيبه جا والشيبه افلح

وما نقل الا الله يهديهم ويصلحهم لنفوسهم ويبعد عنهم اولاد الحرام


علوم ابوكم الشيبه وعفاكم وعفا الجميع

مشكور أبونا الشيبة على ماتفضلت به ... وقد قلبت المواجع ... والمؤلم أن تتوارث الأجيال نفس المشاكل وعدم الوقوف أمام نزعات النفس والمكابرة !

...السلام عليكم ورحمة الله وبركاته


اتصور في اعتقادي يا شيبتنا الغالي ان التنهيدة عند الشباب بقوله (الله يسقي ايام زمان ) يمكن تفسيرها بعدم وجود الوسيلة الان وقضاء الحاجة و الغلاء في الوقت الحالي وكثرة البطالة وعدم المصداقية وهدر الامانة وقلة صلة الرحم ..

وحيث لا ارجح بأن يكون المعنى تفسيراً لحال اهل زمان وشقاهم وتعبهم في التمسك بالمعيشة و مقومات الحياة ...

تسلم يـ (أبونا الشيبة) وربنا يعطيك الصحة والعافية
ومواضيعك شيقة ونستفيد منها
وبخصوص المقارنة بين الجيل الماضي والحاضر
فهذه مشكلة أزلية تسمى ب (صراع الأجيال)وستبقى مابقي الزمن
كل جيل يرى أنه هو الأفضل.... والله المستعان،،،،

يابونا الشيبه حياك الله وحيا علمك مثل ما عديت ما أخطيت جيل اليوم فيهم الخير والبركة متعلمين وفاهمين ولكن متأثرين بالمؤثرات الخارجية تغواهم النت والفضائيات وياخوفي عليهم يسيرون مثل الغراب اللي كان يبغي يقلد مشية الحمامة ونسي مشيته ,, في زماننا ما عرفنا مايكل . و لابسكال ولاعاصي الحلاني ولا رينا البرتقالة ,,, كنا نشتغل مع أهلنا في البلاد نحصب ونحرث ونصرم ونديس , ياجي المغرب والواحد منا ماعد يبغي عمره لاخلصنا شغلنا ورحنا البيت بعضنا ينسدح عند الباب من كثر التعب وكثير من الأيام نرقد بغير عشا .عرفنا قيمة الشغل وفهمنا معنى كلمة عيب ,,,والحمد لله ماكنا نسمع عن جمعية حقوق الأنسان ولاحماية الطفل من العنف الأسري ,,, وذحين الله يلقيك خير ياشيبة الرحمن الدنيا غدت دنيا والعالم صار عمارة واحده وكثرت المؤثرات وقل الحياء وضاعت العلوم ونسينا كلمة عيب واللي ما يقص شعره ويصفه ويربطه ببكلة ويلبس سامحني وطيحني يقولون عنه متخلف ورجعي وما يفهم شي,, على كل حال يابونا الشيبه التربية تبدأ من البيت يقول الرسول الكريم عليه افضل الصلاة وأتم التسليم (كلكم راع وكلكم مسؤول عن رعيته ) والمشكلة ماهي في الشباب المشكلة إذا كان رب البيت يضرب الدف والولد يرقص ,, بعض الأباء هم يحتاجون لإعادة توجيه وتربية قبل الأبناء وإذا عاب الراس عاب البدن ,,, ماودي اطول عليكم ,,,,هذا ما نتقفا به علمك وسلامتك وسلامة القرّاء على الله,,,, ودمت والإبداع


سحااااااااااااااااااااااااااابة صيف

جيل اليوم اعتبرهم مغرورين وشايفين انفسهم صحيح فيهم الخير والبركه بس الغرور ذبحهم

والدليل شو ف الانفس كيف سارت في شباب القريه خاصه اعوذبالله مايعرفون بعض ومنقسمين

احزاب كل حزب لحاله والله العظيم اني احيان اشوف اولاد قريتي وكأني غريب بينهم ولاحد يقول

لا لانه كلكم شايفين كذا لكن المجاملات ذبحتنا..

الله المستعان وينكم يا شيبان القريه تحاولون تصلحون..

بارك الله فيك .... وكلامك درر... وعتابك في محله...

وان شاء الله مع الأيام تتعدل الأحوال ولايكون خاطرك الا طيب ياالطيب 0

اتمنى لك حياة سعيدة وأوقاتا هنيئة ...