قصائد الشاعر**{مبارك ابو علاج الغامدي}**

الشاعر مبارك ابو علاج فى قصيده ( بدأها بوصف الجمس )


ياراكب جمس يسابق هبوب النود ..
... كما البرق ..لامنّه عطى الخط بسنادي

سحابة ٍ تقافت الهبايب وفيها رعود ..
.. تلامع من الغربي وجا فيه رعّادي

يعجب لها السواق على الشك والمقصود
... هذا اللي تمنيته وهو غاية مرادي

توجه لقبلة ربنا الوالي المعبود ...
.. ينجيك رب ٍ فوق جمع البشر بادي

سلّم جوابي راعي الطايله والجود ..
.. فهد بن جهيط اللي له الطيب ميرادي

لاجيت عند راعي المعرفه والفود ..
.. تلقى تراحيب معى كيف وقنادي

عطه الجواب وخذ منه طيّب المردود ..
.. وقلّه مبارك طال صبره ولافادي

صبر وانتظر وطال صبره بليّا حدود ..

.. ولاعاد جانا من هوى البال نشّادي

عليّ الحرس والباب والقفل والجنود ..
.. ولاكن لي مع ترف الاقدام ميعادي

لي ونّة ونيتها والعباد ارقود ..
... اهجع بها في الليل والناس رقّادي

ونّة خفا تغدي نياب الباد قعود ..
.. يبطي صداها داخل القلب يزدادي

على بو جديل طويله والمحاجر سود ..
.. وريحة نسمها كنّها ريحة الكادي

سقى الله ليالي عشتها مع نعيم العود ..
.. لطيف الحكا راعي الشرف غضّ الانهادي

في غيبة العمّه وفي غيبةٍ للعود ..
. خذانا معاها قَنَد دلّه وبرادي

هوايه على درب الشرف مابها منقود ..
.. ولاشافنا مع مدمج الساق حسّادي

وكلٍ غدا في دربه اللي لازمه منشود .
...وهو راح في وادي وانا رحت في وادي

حدتنا الضروف وفرّقتنا عن المعهود ..
.. زمان حداني عن هوى البال لاعادي

حدوني هل النمّه معثرة الزنود ..
.. تبّاعة المقفي على كل مرصادي

ناس ٍ تخم اللحم على يابس العجرود ..
.. هل الغيبه اللي ضيّعوا سلم الاجوادي

وشكواي لله عالم الخافي المسدود .
... رحيم العباد اللي لجمع العرب بادي

وصلاة ربي عد ما يزهر بفيض ورود...
. على نبي قام للشرك بجهادي



-----------------------------------------------------------------------------


ومن قصائد النظم ايضـــــــــاً


يقول الوقت يضحك للنفوس الغليضه ...
.. كنّه على ذربين الايمان مغتاض
احد ٍ ضحك سنّه ربيعة وقيضه ...
.. و احدً تعمّض به زمانه تعمّاض
في عيني نهار أرق النشاما حضيضه ...
.. اللي بهم عن بارد الوجه نعتاض
مسلّية صدر ٍ همومه تهيضه ....
.. لولآك عوّاني على الصدر لاهاض
ورزقي علي اللي له سجدنا الفريضه ..
.. اللي خلق سبعٍ وسيعات واعراض
ماهوب عند اهل النفوس البغيضه ..
. تبّاعة المقفي مشذّبة الاعراض
اهل النفوس المعّوزات المريضه ..
... اللي مقابلهم عما عين وامراض


-------------------------------------------------------------------


وقصيدة رائعه ايضاً



يقولون وشبك يامبارك تقل مهتم
ومن شاف حالك قال له شهر مانامي
وش اللي شغل فكرك وغيرك يابن آدم
وخلاك مثل مخيّل الطير لاحامي
فأنا اقول ياعاذل عذايلك ماتلزم
لو ان العذايل تنشرى وسوقها حامي
انا اللي شغل فكري وعقلي خفيف الدم
كحيل العيون اللي تسلهم تسلهامي
كحيل العيون وناعم الخد والمبسم
عليه اشقر ٍ يقبل على الارض لاقامي
لو انه يامر لا نفـّــذ واقول له تم
واعلّق عليه من الشرف تاج ووسامي


---------------------------------------------------------------------------


قصيدة ياونتي



ياونّتي ونّة كسير ٍ بعظم الساق
قليل ٍ ربوعه وهو على الارض محتالي

مضى له ثلاث شهور رجله على المعلاق
يطلب دواه ومالقى طيّب الفالي

على بو جديل ٍ لا التفت كنّه البرّاق
كما برق صيف ٍ في السما يشعل اشعالي

صدوق المخايل لابرق بارقه وانساق
مزونه من المنشا تحدّربه الجالي

على صاحب ٍ بيني وبينه عهد ووثاق
ولاكن جا للعهد ناقض وحلاّلي

عسى الله يجازي من سعى بيننا بفراق
وكدّر عليّه خاطر الصاحب الغالي


----------------------------------------------------------------


الشاعر/مبارك بن عايض (أبوعلاج) هذه القصيده تعبر عن نفسها




ياموتري لولا الدعاجين ماجات -
- امسيت في خبت ٍ تقانب سباعه

غلّق وقوده قبل اشوف المحطات -
- وارهيت بالممسى فقار ٍ قطاعه

سهيت عنك وخذ بي الفكر سدّات -
- وقامت هواجيسي تفرّ الاذاعه

وفكري يحلل بالهواجيس بسكات -
- اصحى دقايق صمت واغيب ساعه

اليا حضر جاش الحشا بالتــّــنهات -
- لاقلت باح الهم جدّد طلاعه

عليك يامن كن خدّه مرايات -
- يامن غشيت بنور وجهك قناعه

ابو ثمان ٍ كنـّــها بوح لمبات -

- في دالج الظلما تلالا شعاعه

والجسم راوي والمحاجر وسيعات -

- والعين عين مدرب ٍ بارتفاعه

والعقل ثابت ماتحب التلفـّــات -
- والهرج خافت .. مايقدّم ذراعه

حتى هله لو طالعو له بنظرات -
- تخجل تطالعه العيون بدراعه

عذروبها فيها يسمّى (اشاعات) -
- لاغيّروها اهل الحسد والدناعه

اهل الدداسن كابسين المخدات -
- ماجالهم بأطراف بيته صعاعه

ولاهي من اللي ينقلون النميمات -
- ماترقب الا منبيوت الجماعه

احبها حب الشريف الشريفات -
- حبي لها حب الشرف والجزاعه




-----------------------------------------------------------------------

ياصاحبي هات علم

ياصاحبي هات علم ٍ واضح ٍ مافيه تبريق
وان كان خيّبت ضنّي فيك فأنا ماتمنّا
ترى الهوى ياوليفي له شروط وله مواثيق
والعهد غالي ومن خان العهد ماهوب منـّــا
تراك شفّي ومن يسخا بكم بين المخاليق
الراي لاماك ومرادي وفرقاكم زعلنا
ان كان تبغى رضانا لا تسمّع للمطافيق
اللي ينادون بالفرقا بري منهم وطنـّــا
__________________