إهداء للوالد عبدالله الجميع وأخيه اللواء ناصر ...

بسم الله الرحمن الرحيم
السلام عليكم ورحمة الله وبركاته

حياك الله يابو هشام وحيا علمك, والدنيا مشاغل يوم نغيب ويوم نحضر, والله يعين.

أشكرك على ردك, ولو لم تكن شاعر, ولكن المعاني تكفي, وهذا ردي على قصيدتك:

هلا بك عدد مــا يمشي الدم وسط عروق
وانـــــــــــا معتمد باللي له الفصل والخيره
ابوك المداوي كـــــــــــان للي يجيه حروق
ولـــــــــــو ينكسر عظم(ن) يعاجل بتجبيره
ترانا أهل واخوان لا طـــــــافق ولا مطفوق
وكل(ن) ترى فــــــــــــي ظل ربي وتدبيره
أنا احفظ مواقف ما بغيت اشتري مالسوق
واردد ورى شيخي أذانـــــــــــــــه وتكبيره