رجال الاستراحــات؟؟؟؟؟؟؟؟

شئ محزن :( ماهو السبب؟

بعض الرجال بل كثير منهم مايجلس مع عياله في البيت

همه إذا كان يشيش الكازينو ويرجع آخر الليل معفن

وإلا في استراحه مع اصحابه حتى قريب الفجر

ويستمر الحال كل ليله المسكينه ناشبه مع البزران وشغل البيت

وهو يكركر مع الزملاء ولا سأل عن اطفاله وزوجته حبيسة البيت وهي تفكر

إش في أبو عيالي؟ هل هوه يكرهني ؟ ليش يتركني بلحالي؟

ليش مايشوف أطفاله؟ ويشوف دروسهم؟

تلقاه مع اصحابه ضحك وسواليف ومع اهله عابس!

يتأسف لاصحابه لأتفه الأسباب وزوجته مايطالع فيها ولايتأسف لها

علامات استفهام كثيره في هذا الموضوع ممكن تساعدوني في فك رموزها؟؟؟

هذا ماانتظره منكم والله يحفظكم ويبعد عنكم التعاسه والحزن

هكذا رجال لاحصر لهم في مجتمعنا ... وهي للأسف قناعات يصعب مداواتها بسهولة ... ربما بعض أسباب وجود مثل تلك الشخصيات منشأه التعود على قضاء فترات طويلة خارجة المنزل منذ وقت مبكر أي قبل الزواج وقدوم الأبناء ... الحياة الرتيبة والملل الذي يتغلغل في الحياة الزوجية بحيث لاتملك الزوجة القدرة على إحداث التغيير في أبسط قواعد اللعبة ... المشاكل التي تتكاثر ولا يتم الاتفاق على حل لها وهكذا تتراكم حتى تصبح عامل طرد من المنزل وبخاصة للزوج ... أكتفي بهذا مقدراً للأخت منارات مبادرتها بطرح هذا الموضوع .

المفروض من بعض هؤلاء الرجال إعطاء مجال لعيالهم ولو يوم في الاسبوع

مشكوره اختي على الموضوع..

قاصد خير .... ابو طلال
برضو احنا غلطانات غلطانات!!!!!!!!!!!
حسبي الله ونعم الوكيل
أيش تبونا نسوي بعد مع هالازواج؟ مايكفي شغل البيت والبزوره ؟
خلاااااااااص روحو اللستراحات مع السلامه وانبسطو ولكن اخشى تندمو في الوقت الضائع!!!!

مشكور عبد الله المشوي ولكن ليش يوم واحد فقط في الاسبوع للعائله؟؟؟؟؟؟؟؟؟

يترك الرجل فرصه لبيته والطفاله وزوجته .. وبعدين يهرب الى الاستراحه وهات ياسوالف حتى نصف اليل ثم يروح طفشان وصياحه وكل يوم على هذا الحال واذا سالته الحرمه يقول وين اروح مافيه مكان غير الاستراحه ياخي اقعد في بيتك عند عيالك ولو تسأله قال انا والله دائم في البيت وما طلع كيف اروح واخلي عيالي وهو ماعندك احد مايصدق انه يئذن العشاء ويالطيف عليكم يالرجال تقتلون القتيل وتمشون في الجنازه اطلع يو م يومين في الاسبوع والباقي عند اهلك مو تسوي العكس
وتلاقي الواحد نفسه راس خشمه اذا جلس كأنه مسوي شي عجيب مادرا انه المفروض يجلس عند عياله غصب ينتبهلهم ويشوفهم وبعد لو صار شي لا سمح الله قلب البيت على المسكينه ويقول انتي الي تربين ماهوا انا وهو قاعد في الاستراحه او القهوه والمره تربي عشان حظرته لا ويجاملون الاخون قولو الصدق المفروض مايطلع ويقعد في البيت يطبخ ويكنس ويسكت الاطفال والمدام من بيت الى بيت او تسولف في التلفون او تطالع في المسلاسلات ذك الساعه تنبصط ويمكن تتفاخر بما يسويه زوجها عند الصديقات وعند اهلها والله العظيم ياابو فلان انه طبخ وغسل وكنس البيت ليتها تسكت لكن لا تتفشخر وتعال اسمع اش يقولون كل واحده تقول اش سوا زوجها من ترتيبات في المنزل وماننتهي من موال الحريم وذا قلنا شي قالو انتم تظلمون الحرمه اش رايكم بالله بعد الي سمعتوه وباقي كثير؟؟؟

المشاركة الأصلية كتبت بواسطة أبوطلال عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

من قال انكن غلطانات ؟

المفروض الزوجة تحتوي زوجها لفظا وشكلا ورائحة ...

فلا يسمع الا احلى الكلام

ولايرى الا اجمل شكل

ولايشم الا اطيب رائحة

اذا لم يرتاح المسكين في بيته بيمسك الباب ويقول بينه وبين نفسه (( اقعدي لسكن الحدة ))



اذا وجد الرجل الراحة في بيته فلماذا يتركه ... الا اذا كان من المدلعين... فهذا غير مأسوف عليه ... وفكة من جحا غنيمة ..

لقد أعذر من انذر ولاعزاء للرجال ..

طيب يابو طلال والمرأه تبغى زي مايبغى الرجال معاي وإلا لا؟

واخاف يجي يوم تقول هي (( اقعد لسكن الحدة )) :(

كثير من الرجال مايرتاحو الا مع زملاهم بأي سبب اهم شئ يطلعو من البيت
مايبغو مسؤليه وياريت يجيبو غساله خاصه للرجال قبل مايجي البيت يمرها
يشيل العفانه من الشيشه والسجائر اللي فيه:(