قصائد اعجبتني

بســـــم اللـــــــه الـــرحمن الــــرحيم
السلام عليكم ورحمة الله وبركاته
هذه قصائد اعجبتني لما فيها من روائع الكلمه وجزالتها وقربها من المتلقي ومواضيعها الجميله فلم ارد ان تغيب عنكم فأردت ان ترونها وان تشاركوني في قراتها و اتنمنى ان اكون وفقت في اختيارها لكم


لاهنت
لا هنت يا راس الرجاجيل لا هنت

لا هان راس فى ثرى العود مدفون

والله ما حطك بالقبر لكن آمنت

باللى جعل دفن المسلمين مسنون

منزلك ياعز الشرف لو تمكنت

فوق النجوم اللى تعلت على الكون

سكنت دار المجد يا شيخ واسكنت

شعبك معك فى منزل العز ممنون

صنت العهد يا وافى العهد ما خنت

علمتهم وشلون الاشراف يوفون

كم ظالم عاداك واعفيت واحسنت

واخلفت ظن جموع ناس يظنون

شلت الأمانه حافظ ما تهاونت

شفنا بك رجال على النفس يقوون


زمــان العــجـايـــب
يا زمان العجايب وش بعد ما ظهر

كل ما قلت هانت جدَ علم جديد

ان حكينا ندمنا و ان سكتنا قهر

بين قلب عطيب وبين راس عنيد

لو تفيد المدامع كان اسيل نهر

مير كثر التوجد والدمع ما يفيد

اصبر ايام واشهر واتصبر دهر

و ان حصلى مناتى جيت لونى بعيد

ارجي الله و اراقب كل طلع شهر

يجلى الهم عنى او عسى ما يزيد


يــا مـدعـين العــروبــة
حنا العرب يــا مدعين العروبة

و حنا هل التوحيد وانتم له اجناب

و حنا شروق المجد وانتم غروبه

وحنا هل التاريخ و أنتم به أغراب

يوم الفقر شلتوا علينا عيوبه

واليوم عقب النفط جيتوا لنا أنساب

ويوم الفقر فينا البداوة سبوبة

واليوم صرتوا مثلنا بدو واعراب

لو الهوى منكم منعم هبوبه

لا شك رزاق الملا رب الأرباب

و لو المطرمنكم منعم صبوبه

لا شك رزق الخلق من عند وهاب

جيش الحسد سقتوا علينا حروبه

كل(ن) يبي يزرع على جسمنا ناب

حرب على المحسن تراها عقوبة

بالله عساكم ما تفيدون حراب

ياما عطينا ما ندور مثوبه

الا من اللى من ترجاه ما خاب

و ياما نصرنا صاحب(ن) ضيقوا به

عاداتنا نقدم الى مالردى هاب

و ياما نصانا من تعثر دروبه

يدخل حمانا من تعذرها الأصحاب

حنا بنينا دارنا من طيوبه

و انتم سلبتوا داركم كل ما طاب

الله سقانا من بحرنا عذوبه

و انهاركم مثل البحر هدر تنساب

حنا زرعنا الحب بارض خصوبه

و أنتم زرعتوا كره الأجيال بتراب

وحنا دعينا السلم نوبه ونوبه

وانتم حمام السلم بعتوه بغراب

يا من دعا للحرب ما ادرك خطوبه

لا تحسب أن الحرب تهديد وخطاب

من شب نار الحرب يصلى شبوبه

ومن ثوَر الفتنة تعرض للأسباب

ما يستر الرجال ملبوس ثوبه

الدين وافعال الكرامة له ثياب


ابهـــامـك الايمــن
لا تعض إبهـــامك الأيمن ندم

الندم مــا فاد له ناس كثير

يوم كنت بخير صاروا لك خدم

ويوم طار الطير عزاك الفقير

من بنى ساسه على جرف انهدم

والعمر لو طال آخرته قصير

ما تحوش الأرض إذا الوزن انعدم

الله أعلم وين تقرير المصيـر


وعذرونا على الاطاله

الله يعطيك العافيه

الله يعافيك يابو حميييييييييييييييييد

الأخ سفير زهران
احسنت نقل جميل ورائع يعطيك العافية[/

الله يعافيك ننتظر جديدك

مشكووووووووور ويعطيك العافيه

الله يعافيكم